Пошук


20.05.2019 12:00   Catholic.by

8 чэрвеня, ва ўспамін благаслаўлёнага мучаніка Стэфана Шандара, салезіяніна, адбудзецца прэзбітэрскае пасвячэнне дыякана Артура Ляшнеўскага, члена Таварыства св. Францішка Сальскага.

Пасвячэнне ўдзеліць дапаможны біскуп Мінска-Магілёўскай архідыяцэзіі, біскупскі вікарый для Магілёва і Магілёўскай вобласці Аляксандр Яшэўскі SDB.

Літургія адбудзецца а 11-й гадзіне ў касцёле св. Яна Хрысціцеля ў Мінску па адрасе: вул. Пляханава, 28-1.

З моманту пасвячэння салезіянін Артур Ляшнеўскі стане святаром Каталіцкага Касцёла і будзе цэлебраваць штодзённа найсвяцейшую Эўхарыстыю, служыць вернікам у канфесіянале, а таксама ўдзяляць сакрамэнт намашчэння хворых.

Дыякан Артур звяртаецца з просьбай аб малітоўнай падтрымцы для яго ў гэтыя дні падрыхтоўкі да прыняцця святарства. Таксама ён ад усяго сэрца запрашае ўсіх жадаючых далучыцца да перажывання гэтага важнага для яго моманту і асабіста падтрымаць яго сваёй прысутнасцю ў гэты дзень.

Акрамя таго, будучы прэзбітэр запрашае ўсіх да ўдзелу ў прыміцыйнай св. Імшы (ад лацiнскага primitiae, што азначае першы плён новага ўраджаю), якую будзе цэлебраваць у роднай парафіі.

Гэтая Імша адбудзецца 9 чэрвеня ў 9.30 у мiнскiм мiкрараёне Сухарава ў парафіі Беззаганнага Зачацця Найсвяцейшай Панны Марыі па вул. Лабанка (прыпынак Лабанка, 99).

Пасля першай Імшы новапасвячанага прэзбітэра Касцёл дае яму прывілей удзяліць благаслаўленне з рангам папскага.

Абноўлена 20.05.2019 12:16
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа