Пошук


15.05.2019 09:30   Тэкст: Кс. Юрый Жэгарын / Catholic.by
Фота: vedaj.by

З нагоды адкрыцця капліцы ў гарадскім пасёлку Любча, што адбудзецца 29 чэрвеня, парафія св. Міхала Арханёла ў Навагрудку, да якой належыць згаданая мясцовасць, праводзіць гістарычную віктарыну пад назвай: «Што я ведаю пра Любчу?»

Любча і яе ваколіцы — гэта мясцовасць у самым сэрцы старадаўняга Вялікага княства Літоўскага, дзе адбываліся падзеі, якія ўвайшлі ў гісторыю нашай Бацькаўшчыны і Касцёла на Беларусі. Як лічаць некаторыя даследчыкі, менавіта тут была пабудавана першая каталіцкая святыня на тэрыторыі ВКЛ, а таксама было заснавана першае каталіцкае біскупства на нашых землях.

Запрашаем вас паглыбіць і ўзбагаціць свае веды пра Любчу, узяўшы ўдзел у віктарыне. Жадаем поспехаў!

Замак у Любчы. Сучасны выгляд. Фота: meridian28.com

Што я ведаю пра Любчу

Віктарына

  1. Адкуль пайшла назва Любчы?
  2. У якім годзе ўпершыню было згадана пра Любчу і ў якіх крыніцах?
  3. Каму належала Любча ў часы Вялікага княства Літоўскага?
  4. Ёсць меркаванне, што менавіта ў Любчы быў пабудаваны першы касцёл у Вялікім княстве Літоўскім. Як думаеце, якога вядомага чалавека, згодна з гэтай версіяй, тут хрысцілі?
Старажытная Любча. Выява: karty.by

  1. У якім месцы ў Любчы быў пабудаваны той першы касцёл на тэрыторыі ВКЛ?
  2. Калі Любча атрымала Магдэбургскае права і герб?
  3. Калі быў узведзены замак у Любчы і на чые сродкі?
Замак у Любчы. Рэканструкцыя. Выява: karty.by

  1. Калі Любчанскі замак перайшоў Радзівілам?
  2. Які жаночы манаскі ордэн у міжваенны час служыў у Любчы?
  3. Чым вышэйзгаданы ордэн займаўся ў міжваенны час і дзе была асноўная пляцоўка яго дзейнасці?
  4. Калі і кім быў спалены любчанскі замак?
  5. Калі ў ХХ стагоддзі ў Любчы быў пабудаваны касцёл і да якога часу ён праіснаваў? Што з ім стала?
  6. Што вы ведаеце з гісторыі любчанскай Свята-Ільінскай царквы?
Свята-Ільінская царква ў Любчы. Фота: problr.by

  1. У якім годзе і кім была заснавана друкарня, якая існавала ў Любчы ў XVII стагоддзі, дзе друкаваліся кнігі па медыцыне, гісторыі, паэтычныя творы і іншая літаратура?
  2. Гэты кампазітар — яркая фігура ў гісторыі музыкі; ён — стрыечны брат вядомага рускага пісьменніка і пэўны час жыў у Любчы. Пра каго гаворка?
  3. Адна з самых тытулаваных парфумераў свету, якая нарадзілася ў Любчы, аўтар водараў-сімвалаў ХХ стагоддзя (Tresor, Paris, Eternity for Women, Sotto Voce і інш.).
  4. Чым славіцца Любча ў харчовай малочнай прамысловасці?
  5. Уздоўж якой ракі размясцілася Любча? Якая даўжыня гэтай ракі, па якіх краінах яна працякае?
  6. Як будзе называцца новапабудаваная каталіцкая капліца ў Любчы і што азначае гэтая назва?

Мост у ваколіцах Любчы. Фота: vedaj.by

Адказы на пытанні віктарыны дасылайце не пазней за 15 чэрвеня на адрас:

касцёл святога Міхала Арханёла
вуліца Савецкая, дом 2
г. Навагрудак

або на электронную пошту:  faiushka@mail.ru

Імёны і фотаздымкі тых, хто дасць найбольш поўныя адказы на пытанні віктарыны, будуць надрукаваныя ў газеце «Каталіцкі Навагрудак».

Каталіцкая капліца ў Любчы. Праект.

Абноўлена 20.05.2019 11:38
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа