Пошук


14.05.2019 11:19   Catholic.by

18 мая ў Янаве Палескім (г. Іванава) у санктуарыі святога Андрэя Баболі адбудуцца цэнтральныя ўрачыстасці ў гонар нябеснага заступніка Палесся.

Ужо традыцыйна штогод у суботу пасля 16 мая — дня мучаніцкай смерці і літургічнага ўспаміну святога — менавіта ў Янаве, дзе завяршыўся жыццёвы шлях Апостала Палесся, адбываюцца цэнтральныя дыяцэзіяльныя ўрачыстасці падзякі Пану Богу за дар гэтага вялікага прапаведніка і нябеснага заступніка.

Сёлета ўрачыстасці ў Янаве распачнуцца ў 11.00 каля Крыжоў Адзінства — месца, з якога пачаўся мучаніцкі шлях святога.

Адтуль усе сабраныя вернікі пройдуць у малітоўнай працэсіі да парафіяльнага касцёла, які адначасова з’яўляецца дыяцэзіяльным санктуарыем святога Андрэя Баболі.

У 12.00 там адбудзецца ўрачыстая св. Імша з удзелам духавенства, вернікаў і пілігрымаў на ўшанаванне мучаніка і апекуна дыяцэзіі.

Асаблівасцю сёлетніх урачыстасцей стане асвячэнне адноўленага галоўнага алтара ў касцёле-санктуарыі. Гэтая святыня была спецыяльна пабудавана непадалёк ад месца мучаніцкай смерці св. Андрэя.

На пачатку ХІХ ст., падчас аднаўлення касцёла, мясцовы парафіянін і знакаміты майстар Напалеон Орда ўласнымі рукамі выразаў з дрэва велічны крыж, які падчас урачыстасцяў зможа ўшанаваць кожны, хто наведае святыню.

Абноўлена 14.05.2019 11:41
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця