2 і 3 красавіка ў парафіі Святога Духа ў Гродне (Альшанка, перакрыжаванне вуліц Багушэвіча і Караткевіча) пройдуць велікапосныя рэкалекцыі для мужчын пад назвай «Прыйдзі паслухай Пана».
Пра гэта паведамляе сайт супольнасці «Мужчыны святога Юзафа» msj.by.
«Рэкалекцыі — час для асаблівай сустрэчы з Панам, але таксама час сустрэчы з іншымі мужчынамі, бацькамі і, канечне, з ласкай Бога для ўмацавання мужчынскага сэрца, — адзначае кс. Віктар Ханько, пастыр супольнасці „Мужчыны святога Юзафа“. — 19 сакавіка Касцёл святкаваў урачыстасць св. Юзафа — мужчыны, які займае асаблівае месца ў жыцці Касцёла і павінен мець асаблівае месца ў духоўным жыцці мужчын.
Пан крыху па-іншаму размаўляў з Марыяй і па-іншаму — з Юзафам. На гэтых рэкалекцыях запрашаю паглыбіцца яшчэ раз у вобраз св. Юзафа і яшчэ глыбей падрыхтавацца да свята Вялікадня».
Праграма рэкалекцый
2 красавіка, аўторак
18.00 — адарацыя і споведзь
19.00 — святая Імша
19.30 — канферэнцыя
3 красавіка, серада
18.00 — Крыжовы шлях
19.00 — святая Імша
19.30 — канферэнцыя
Дадатковая інфармацыя па тэлефоне:
+375 33 624 42 85 — Павел
