З 19 па 25 лістапада моладзевае душпастырства OPEN разам з душпастырствам сем’яў OPEN Families правядзе «Тыдзень талентаў». Падчас штодзённых сустрэч моладзь будзе разважаць на тэму чалавечых здольнасцяў, прымаць удзел у шматлікіх майстар-класах і інш.
Праграма:
- 19.11 – св. Імша ў 19.00; паэтычны вечар «Дух Святы, Натхняльнік, прыйдзі да нас!» у 20.00
- 20.11 – св. Імша ў 19.00; майстар-класы па рукадзеллі, выстава-прэзентацыя «Бог стварае, мы творым» у 20.00
- 21.11 – св. Імша ў 19.00; кулінарны вечар «Бог надзяліў нас уменнем смачна гатаваць» (прадстаўленне фірмовых страў, кулінарны паядынак) у 20.00
- 22.11 – св. Імша на рускай мове ў 19.15; катэхеза на тэму «Як адкрыць і не закапаць свае таленты» ў 20.30
- 23.11 – св. Імша ў 19.00; адарацыя, праслаўленне Хрыста ў Эўхарыстыі, маляваннем, музыкай і спевам у 20.30
- 24.11 – св. Імша ў 19.00; вечар дзіцячай і моладзевай творчасці «Дзяліцеся сваім талентам» у 20.00
- 25.11 – св. Імша на беларускай мове ў 19.00; падвядзенне вынікаў «Тыдня талентаў», канцэрт-справаздача, узнагароджванне актыўных удзельнікаў, малітва падзякі ў 20.30.
***
Калі вы не напісалі сваю «Месяцовую санату», не ўзвялі Храм Святой Сям’і, не сінтэзавалі вакцыну ад усіх хвароб і з-пад вашага пэндзля пакуль яшчэ не выходзяць Джаконды, гэта яшчэ не гаворыць пра тое, што ў вас няма таленту. У кожнага ён свой.
Кожны чалавек у чымсьці таленавіты. Хтосьці яшчэ гэта не ўсвядоміў, камусьці ляніва развіваць у сабе гэтыя здольнасці, астатнія пакуль яшчэ не знайшлі ім сферы ўжывання. Відавочна, што такія здольнасці не варта ў сабе ўтойваць або, як прынята казаць у такіх выпадках, закопваць, асабліва калі з іх дапамогай можна зрабіць гэты свет крыху больш добрым і светлым.
