У Гродне праводзіцца набор слухачоў на Курсы сямейнага жыцця пры Канферэнцыі Каталіцкіх Біскупаў у Беларусі на 2018/2019 навучальны год. У курсах могуць браць удзел усе жадаючыя, зацікаўленыя ў абароне каштоўнасцяў сужэнства і сям’і.
Мэта курсаў — падрыхтоўка сямейных дарадчыкаў, якія могуць дапамагаць пры парафіях у падрыхтоўцы будучых сямейных пар да сакрамэнту сужэнства, а таксама ў сямейнай кансультацыі.
Навучанне працягваецца тры гады. Вучэбныя сесіі — раз на месяц.
Месца навучання: касцёл Найсвяцейшага Адкупіцеля (Гродна, м-н Дзевятоўка, вул. Курчатава, 41).
Пасля заканчэння Курсаў сямейнага жыцця выпускнікі атрымліваюць дыплом, які дае магчымасць выканання функцыі сямейнага кансультанта пры парафіях, а таксама дыплом аб заканчэнні курса І ступені для выкладчыкаў натуральнага планавання сям’і на падставе сімптатэрмальнага метаду.
Кваліфікацыйная размова для кандыдатаў адбудзецца ў нядзелю 14 кастрычнiка ў 16.10 па адрасе: вул. Курчатава, 41 (м-н Дзевятоўка), у аўдыторыі № 5.
Кандыдатам неабходна прадставіць наступныя дакументы:
- уласнаручна напісаная заява аб прыняцці з матывацыяй свайго рашэння
- уласнаручна напісаная аўтабіяграфія
- рэкамендацыя ад пробашча
- 2 фатаграфіі (3х4 см)
- ксеракопія дыплома аб заканчэнні навучальнай установы
- ксеракопія пашпарта (старонкі 31–33)
Падрабязная інфармацыя па тэлефоне: +375 (29) 588 42 73 — Ірына Мялешка
