З 17 па 19 ліпеня ў будынку Міждыяцэзіяльнай вышэйшай духоўнай семінарыі ў Гродне адбудуцца рэкалекцыі на тэму распазнання паклікання.
Да ўдзелу запрашаюцца хлопцы, асабліва міністранты.
Удзельнікі рэкалекцый атрымаюць магчымасць паразважаць над жыццёвым пакліканнем і яшчэ раз адказаць сабе на пытанне: «Да чаго мяне кліча Бог?».
Хлопцы змогуць адчуць клімат семінарыйнага жыцця, паразмаўляць з семінарыстамі і выхавацелямі, а таксама больш даведацца аб праўдах веры і малітве.
Аб сваім удзеле арганізатары просяць паведаміць загадзя.
Запісацца на рэкалекцыі можна, дасылаючы ў Viber паведамленне з данымі будучага ўдзельніка рэкалекцый (прозвішча, імя, год нараджэння, парафія).
Нумар тэлефона для запісу і дадатковай інфармацыі:
+375 (33) 325-43-08 — ксёндз Павел.
