Айцы дамінікане, якія нясуць служэнне ў парафіі святога Казіміра і святой Ядзвігі ў Магілёве (Мінска-Магілёўская архідыяцэзія), запрашаюць на супольную сустрэчу з Божым словам падчас сёлетняга Адвэнту.
З нядзелі 15 снежня дамінікане з Магілёва запрашаюць да супольнага чытання і слухання слова Божага з біблійнай Кнігі Эстэры, каб лепш падрыхтавацца да Божага Нараджэння.
У гэтай кнізе са Старога Запавету ўсяго дзесяць раздзелаў, таму завяршэнне супольнага чытання і малітвы Словам прыпадае акурат на 24 снежня, вігілію Нараджэння Пана.
Для лепшага разумення, разважання і малітвы Божым словам будуць выкарыстаны каментары сучасных біблістаў, якія будуць штодзённа размяшчацца ў Viber i Telegram. Арганізатары заахвочваюць маліцца адзін за аднаго і прачытаць Кнігу Эстэры за Адвэнт некалькі разоў.
Кантакт:
- тэл. +375 (29) 291 92 11 – а. Раман Шульц ОР
- група ў Viber i Telegram: АдвэнтЭстэра2024
