![](/3/images/news/2024/09/2024-09-04-Rosario_franciscano1.jpg)
У суботу 5 кастрычніка ў Магілёве пройдзе VIІІ Ружанцовы кангрэс, які сёлета будзе прысвечаны тэме: «Марыя і Ружанец у францішканскай духоўнасці».
Ужо стала добрай традыцыяй, што на пачатку кастрычніка, асаблівага Марыйнага месяца, па ініцыятыве айцоў дамініканаў у старадаўняй магілёўскай катэдры адбываецца Ружанцовы кангрэс.
Мэта сёлетняга, ужо VIII Ружанцовага кангрэса — паглыбленне духоўнай і інтэлектуальнай фармацыі вернікаў, якія моляцца на ружанцы.
Паколькі сёлетняя сустрэча прысвечана тэме «Марыя і Ружанец у францішканскай духоўнасці», з дакладамі на кангрэсе выступяць прадстаўнікі трох адгалінаванняў францішканскага ордэна: бэрнардынаў, капуцынаў і канвентуальных францішканаў, якія нясуць служэнне ў Беларусі. Удзельнікі таксама будуць дзякаваць Богу за 30 гадоў дзейнасці ў Беларусі касцёльнага руху «Легіён Марыі».
Арганізатары запрашаюць узяць удзел у Ружанцовым кангрэсе ўсіх ахвотных, а асабліва тых вернікаў, якія належаць да ружанцовых колаў, і легіянераў Марыі. Яны таксама звяртаюцца з просьбай аб малітве ў інтэнцыі добрага плёну Кангрэса.
Праграма Ружанцовага кангрэса
- 9.30 – 10.15 — рэгістрацыя ўдзельнікаў
- 10.20 — адкрыццё кангрэса
- 10.30 – 11.10 — даклад а. Юрыя Находкі OCD «Роля Маці Божай і ружанцовай малітвы ў фармацыі і апостальстве легіянераў Марыі»
- 11.15 – 11.55 — даклад а. Стэфана Пупейкі OFM «Марыйная духоўнасць у жыцці св. Францішка Асізскага»
- Пасля дакладаў — пытанні да дакладчыкаў, дыскусія, размова
- 12.15 – 13.00 — адарацыя Найсвяцейшага Сакрамэнту, святы Ружанец
- 13.00 – 14.00 — сумеснае фота, абед
- 14.00 – 14.40 — даклад а. Андрэя Багдановіча OFMCap «Марыя і Ружанец у жыцці францішканаў капуцынаў»
- 14.40 – 15.20 — даклад a. Яўгена Голуба OFMConv «Беззаганная ў думцы і жыцці св. Максімільяна Марыі Кольбэ і францішканскай канвентуальнай традыцыі»
- Пасля дакладаў — пытанні да дакладчыкаў, дыскусія, размова
- 15.30 – 16.00 — перапынак
- 16.00 – 16.30 — сведчанні пра плён Ружанцовых кангрэсаў у Магілёве і ружанцовай малітвы
- 16.30 — падрыхтоўка да святой Імшы
- 17.00 — святая Імша на завяршэнне Кангрэса (цэлебрацыю ўзначаліць біскуп Андрэй Зноска)
Арганізатары просяць паведаміць пра свой удзел у кангрэсе да 1 кастрычніка.
Рэгістрацыя абавязковая! Для таго, каб зарэгістравацца, дастаткова патэлефанаваць або даслаць SMS-паведамленнем інфармацыю пра ўдзельнікаў:
- імя, прозвішча
- мясцовасць, назва парафіі
- колькасць асоб, якія будуць удзельнічаць у кангрэсе
- кантактны нумар тэлефона.
Кантакты: айцец Раман Шульц ОР
тэл.: +375 (29) 291 92 11 (Viber, Telegram)
e-mail: schulzop@gmail.com
Месца правядзення: г. Магілёў, катэдра Унебаўзяцця Найсвяцейшай Панны Марыі і святога Станіслава, вул. Камсамольская, 4