21 мая распачалася рэгістрацыя ўдзельнікаў пешай пілігрымкі Баранавічы-Будслаў, якая вырушыць у дарогу 27 чэрвеня і пройдзе пад дэвізам: «Трываць у любові да бліжняга і Бога».
Пілігрымка працягваецца дзевяць дзён; адлегласць, якую пераадолеюць пілігрымы пешкі, складае 287 кіламетраў. Прыбыццё ў Будслаў — 5 ліпеня.
Сёлетні Будслаўскі фэст пройдзе 5 і 6 ліпеня; падчас яго адбудзецца прысвячэнне Мінска-Магілёўскай архідыяцэзіі і Касцёла ў Беларусі Найсвяцейшаму Сэрцу Езуса.
Пешую пілігрымку з Баранавічаў арганізуюць айцы паўліны, якія нясуць служэнне ў Гомелі.
Дзеці да 16 гадоў могуць узяць удзел у пілігрымцы толькі ў суправаджэнні бацькоў або апекуна (патрэбны пісьмовы дазвол бацькоў). Падлеткам з 16 да 18 гадоў неабходна мець пісьмовы дазвол бацькоў.
- Бланк пісьмовага дазволу ТУТ>>>
- Для рэгістрацыі анлайн неабходна запоўніць электронную форму ТУТ>>>
Увага! Ахвотных узяць удзел у пілігрымцы арганізатары просяць не марудзіць з рэгістрацыяй. Анлайн-рэгістрацыя працягваецца да 20 чэрвеня.
Пазней можна будзе запісацца ў пілігрымку, патэлефанаваўшы арганізатарам.
- Кантакты адказных за пілігрымку:
- +375 (29) 802 99 45 – айцец Леанард Адушкевіч OSPPE
- +375 (29) 325 84 89 (viber, telegram) – Таццяна
