2 лютага ў Каталіцкім Касцёле адзначаецца свята Ахвяравання Пана, якое традыцыйна называюць яшчэ святам Маці Божай Грамнічнай, або Грамніцамі.
У гэты дзень у літургіі ўспамінаецца прынясенне Дзіцятка Езуса ў святыню для выканання абраду ахвяравання, прадпісанага законамі Старога Запавету.
У свята Ахвяравання на пачатку святой Імшы адбываецца працэсія са свечкамі. Свечка — сімвал Хрыста, які прынёс святло вечнай Праўды ўсім народам, а на Грамніцы свечка таксама сімвалізуе Марыю, пакорную слугу Пана, поўную ласкі, у душы якой заўсёды гарэла святло веры, надзеі і любові.
Капліца Хрысціянскага сацыяльнага цэнтра пры Місіі Добрага Самараніна ў Мінску мае тытул Ахвяравання Пана, і таму ў гэтым адзіным у Мінска-Магілёўскай архідыяцэзіі месцы культу пад такім тытулам у гэты дзень адзначаецца адпустовая ўрачыстасць.
На пачатку Імшы адбудзецца традыцыйнае благаслаўленне грамнічных свечак.
- Пачатак а 17-й гадзіне.
Сёстры ўршулянкі і супрацоўнікі Місіі шчыра запрашаюць святароў, вернікаў і ўсіх людзей добрай волі на супольную малітву ў Хрысціянскі сацыяльны цэнтр у Мінску па адрасе: вул. Серафімовіча, 19 (непадалёк ад станцыі метро «Пралетарская»).
Кантакты:
- +375 (17) 343 99 17 – Рэцэпцыя
- +375 (44) 770 09 01
- e-mail: samaranin16@gmail.com
