У нядзелю 17 верасня ў Гродна прыбудуць перэгрынацыйныя абразы адзінаццаці благаслаўлёных сясцёр назарэтанак, мучаніц Другой сусветнай вайны з Навагрудка.
Разам з абразамі будуць прадстаўлены выявы падзей і асоб, звязаных з мучаніцтвам благаслаўлёнай Марыі Стэлы і яе паплечніц.
У зале пабрыгіцкага кляштара пры касцёле Звеставання Найсвяцейшай Панне Марыі ў Гродне (вул. Маладзёжная, 2) абразы прадставіць пробашч парафіі святога Арханёла Міхала ў Навагрудку ксёндз Юрый Жэгарын разам з навагрудскімі парафіянамі.
Пачатак а 16-й гадзіне.
Абразы мучаніц будуць знаходзіцца ў Гродне каля месяца.
Перэгрынацыя прысвечана 80-годдзю з дня мучаніцкай смерці благаслаўлёных сясцёр назарэтанак Марыі Стэлы і яе паплечніц.
«Духоўны подзвіг гэтых святых жанчын, з’яўляецца вялікім скарбам Касцёла на нашай зямлі», — адзначае арганізатар перэгрынацыі ксёндз Юрый Жэгарын.
