2 лютага ў Каталіцкім Касцёле адзначаецца свята Ахвяравання Пана, якое традыцыйна называюць яшчэ святам Маці Божай Грамнічнай, або Грамніцамі.
У гэты дзень падчас кожнай святой Імшы адбываецца благаслаўленне свечак.
Капліца Хрысціянскага сацыяльнага цэнтра пры Місіі Добрага Самараніна ў Мінску мае тытул Ахвяравання Пана, і таму ў гэтым адзіным у Мінска-Магілёўскай архідыяцэзіі месцы культу пад такім тытулам у гэты дзень адзначаецца ўрачыстасць.
Цэлебрацыю ўрачыстай святой Імшы ў капліцы Хрысціянскага сацыяльнага цэнтра ў чацвер 2 лютага ўзначаліць Апостальскі нунцый у Рэспубліцы Беларусь арцыбіскуп Антэ Ёзіч.
- Пачатак а 18-й гадзіне.
Падчас набажэнства адбудзецца традыцыйнае благаслаўленне грамнічных свечак.
Пасля святой Імшы ў Цэнтры пройдзе вечарына з нагоды 160-годдзя з дня нараджэння пісьменніцы Марыі Радзевіч. Удзельнікі даведаюцца, што яна зрабіла для Касцёла і як была звязана з сёстрамі ўршулянкамі, якія нясуць служэнне ў Місіі Добрага Самараніна.
Сёстры ўршулянкі і супрацоўнікі Місіі шчыра запрашаюць святароў, вернікаў і ўсіх людзей добрай волі на супольную малітву і вечарыну ў Хрысціянскі сацыяльны цэнтр у Мінску па адрасе: вул. Серафімовіча, 19 (непадалёк ад станцыі метро «Пралетарская»).
