7 студзеня, у першую суботу месяца і новага, 2023 года, у Нацыянальным санктуарыі ў Будславе пройдзе чарговая сустрэча ў межах Вялікай навэнны падрыхтоўкі да юбілею каранацыі цудадзейнага абраза.
Студзеньская малітоўная сустрэча збярэ каля Маці Божай Будслаўскай настаўнікаў і катэхетаў з усёй Беларусі, перадусім з Віцебскай дыяцэзіі. Разам з імі перад каранаваным 25 гадоў таму па распараджэнні святога Яна Паўла ІІ цудадзейным абразом будзе маліцца Старшыня Канферэнцыі Каталіцкіх Біскупаў у Беларусі, біскуп Віцебскі Алег Буткевіч.
Праграма сустрэчы
- 11.00 – прывітанне пілігрымаў
- 11.30 – Ружанец (катэхеты Віцебскай дыяцэзіі, сястра Марыяна Гроць RM), споведзь
- 12.00 – святая Імша
- 13.00 – адарацыя Найсвяцейшага Сакрамэнту (Алена Татун, Канстанцінава)
- 13.30 – дзяленне аплаткай; кава і пачастунак
- 14.15 – тэматычная канферэнцыя: «„Ты настаўнік Ізраэля і гэтага не ведаеш?“ (Ян 3, 10). Нікадэмаў шлях ад аксіяматычнага настаўніцтва да евангелізацыйнага вучнёўства» (ксёндз Валерый Марціноўскі, доктар біблійнай тэалогіі)
- 15.00 – Вяночак да Божай Міласэрнасці (сёстры катэхеткі Віцебскай дыяцэзіі)
- благаслаўленне вады і рэлігійных рэчаў
- інтэрактыўны адпачынак
Адноўлена прамая трансляцыя набажэнстваў з Нацыянальнага санктуарыя ў Будславе. З яе дапамогай можна духоўна далучыцца да ўдзелу ў Вялікай навэнне падрыхтоўкі да 25-годдзя з часу каранацыі абраза Маці Божай Будслаўскай.
