Фота: Жалубоўскі С. / Radzima.org
У нядзелю 4 снежня ў парафіі святога Юды Тадэвуша ў Вішневе (Гродзенская дыяцэзія, Смаргонскі дэканат) ушануюць памяць шматгадовага тутэйшага пробашча ксяндза Юзафа Кіселя ў 20-ю гадавіну з дня яго смерці.
3 і 4 снежня ў парафіі пройдуць адвэнтавыя рэкалекцыі, якія правядзе айцец Язафат Кунцэвіч OFM з Мінска, якога ў свой час ахрысціў ксёндз Юзаф Кісель.
У нядзелю а 12-й гадзіне ў касцёле ў Вішневе адбудзецца святая Імша ў гадавіну смерці шматгадовага вішнеўскага пробашча.
Цэлебрацыю ўзначаліць Мітрапаліт Мінска-Магілёўскі арцыбіскуп Юзаф Станеўскі.
Пробашч парафіі святога Юды Тадэвуша ў Вішневе ксёндз Антоній Казлоўскі, дэкан Смаргонскі, ад імя ўсіх мясцовых вернікаў шчыра запрашае ахвотных узяць удзел у супольнай малітве з арцыпастырам.
