8 сакавіка па ініцыятыве супольнасці «Легіён Марыі» парафіі Унебаўзяцця Найсвяцейшай Панны Марыі і святога Станіслава ў гістарычнай катэдры ў Магілёве адбудзецца адарацыя Найсвяцейшага Сакраманту ў інтэнцыі міру ва Украіне.
Вернікі збяруцца на адарацыю ў капліцы Маці Божай Бялыніцкай, каб у супольнай малітве прасіць аб хутчэйшым спыненні вайны ва Украіне і аб тым, каб нашая краіна не прымала ўдзел у гэтай вайне.
Пачатак адарацыі пасля Імшы на 9.00, завяршэнне ў 18.15.
Біскупскі вікарый для горада Магілёва і Магілёўскай вобласці біскуп Аляксандр Яшэўскі SDB запрашае ўсіх мясцовых вернікаў узяць удзел у адарацыі ў зручны час.
