Фота Віталія Палінеўскага
23 лютага, ва ўспамін святога Палікарпа, біскупа і мучаніка, у мінскім катэдральным касцёле Найсвяцейшага Імя Марыі адбудзецца святая Імша ў інтэнцыі ўсіх, хто абараняў і абараняе нашу Айчыну.
Цэлебрацыю ўзначаліць Мітрапаліт Мінска-Магілёўскі арцыбіскуп Юзаф Станеўскі.
Іерарх будзе маліцца за ўсіх, хто самаахвярным служэннем абараняе мір і справядлівасць у Беларусі, а таксама прасіць вечнага жыцця для тых, хто аддаў сваё жыццё за свабоду і незалежнасць нашай Бацькаўшчыны.
На партале Catholic.by будзе весціся прамая трансляцыя святой Імшы.
Пачатак у 18.30.
