Фота кс. Юрыя Марціновіча
17 снежня Святы Айцец Папа Франішак адзначае свой 85-ы дзень нараджэння.
З гэтай нагоды ў мінскім катэдральным касцёле Найсвяцейшага Імя Марыі Мітрапаліт Мінска-Магілёўскі арцыбіскуп Юзаф Станеўскі ўзначаліць цэлебрацыю святой Імшы аб патрэбных ласках для пастыра паўсюднага Касцёла.
- Пачатак святой Імшы ў 18.30.
Перад Імшой у галоўную святыню Мінска-Магілёўскай архідыяцэзіі будзе дастаўлены Бэтлеемскі агонь міру. Сёлетняя акцыя праходзіць пад дэвізам «Святло надзеі».
Арцыбіскуп Станеўскі заахвочвае ўсіх вернікаў ахінуць малітваю Святога Айца ў дзень яго нараджэння і запрашае да ўдзелу ў святой Імшы ў мінскай архікатэдры.
Духоўна далучыцца да супольнай малітвы можна з дапамогай прамой трансляцыі на партале Catholic.by.
