28 лістапада, у Першую нядзелю Адвэнту, у прамым эфіры на Першым нацыянальным канале Беларускага радыё адбудзецца трансляцыя святой Імшы, цэлебрацыю якой у мінскім катэдральным касцёле Найсвяцейшага Імя Марыі ўзначаліць Мітрапаліт Мінска-Магілёўскі арцыбіскуп Юзаф Станеўскі.
Пачатак у 8.15.
Адказным за арганізацыю трансляцыі вызначаны ксёндз Кірыл Бардонаў.
Святар паведаміў Catholic.by, што радыётрансляцыя святой Імшы будзе весціся з мінскай архікатэдры кожную нядзелю ў 8.15 на Першым нацыянальным канале Беларускага радыё.
Трансляцыі нядзельнай святой Імшы на Беларускім радыё аднаўляюцца па шматлікіх просьбах вернікаў і пры садзеянні Упаўнаважанага па справах рэлігій і нацыянальнасцяў Аляксандра Румака.
