У чацвер 27 мая, у свята Езуса Хрыста, Найвышэйшага і Вечнага Святара, у мінскім архікатэдральным касцёле Найсвяцейшага Імя Марыі (пл. Свабоды, 9) дыякан Юрый Рашатко прыме сакрамэнт пасвячэння ў ступені прэзбітэрату.
Кандыдат паходзіць з мінскай катэдральнай парафіі і ў апошні час нёс дыяканскае служэнне ў галоўнай святыні Мінска-Магілёўскай архідыяцэзіі.
Дактарант інстытута філасофіі Люблінскага каталіцкага ўніверсітэта і выкладчык Тэалагічнага каледжа імя святога Яна Хрысціцеля ў Мінску, дыякан Юрый Рашатко з’яўляецца выпускніком Міждыяцэзіяльнай вышэйшай духоўнай семінарыі імя святога Тамаша Аквінскага ў Пінску.
- Прэзбітэрскае пасвячэнне кандыдату ўдзеліць 27 мая Апостальскі адміністратар sede vacante Мінска-Магілёўскай архідыяцэзіі біскуп Казімір Велікаселец падчас святой Імшы, якая распачнецца а 12-й гадзіне.
- Прыміцыйная святая Імша новапрэзбітэра Юрыя Рашатко адбудзецца 30 мая, ва ўрачыстасць Найсвяцейшай Тройцы, у архікатэдральным касцёле Найсвяцейшага Імя Марыi. Пачатак у 13.00.
На заканчэнне цэлебрацыі можна будзе атрымаць спалучанае з поўным адпустам прыміцыйнае благаслаўленне.
