18 красавіка ў Мінску з удзелам прадстаўніка Папы Францішка ў нашай краіне ўрачыста адзначаць 30-годдзе адраджэння структур Каталіцкага Касцёла ў Беларусі і ўстанаўлення Мінска-Магілёўскай архідыяцэзіі.
13 красавіка булай Ex quadam святы Ян Павел ІІ устанавіў Мінска-Магілёўскую архідыяцэзію і Мітраполію, адрадзіўшы такім чынам касцёльныя структуры на тэрыторыі незалежнай Беларусі пасля дзесяцігоддзяў панавання на нашых землях бязбожнага савецкага рэжыму і пераследу веры і Касцёла.
З гэтай нагоды ў нядзелю 18 красавіка ў мінскім катэдральным касцёле Найсвяцейшага Імя Марыі а 13-й гадзіне адбудзецца ўрачыстая святая Імша.
Цэлебрацыю Эўхарыстыі ў інтэнцыі падзякі за 30-годдзе адраджэння структур Касцёла ў Беларусі ўзначаліць Апостальскі нунцый у Беларусі арцыбіскуп Антэ Ёзіч.
З прадстаўніком Папы Францішка ў нашай краіне святую Імшу будуць цэлебраваць Апостальскі адміністратар Мінска-Магілёўскай архідыяцэзіі sede vacante біскуп Казімір Велікаселец ОР, арцыбіскуп Тадэвуш Кандрусевіч і дапаможны біскуп Мінска-Магілёўскай архідыяцэзіі Аляксандр Яшэўскі SDB.
У гэты час дапаможны біскуп Мінска-Магілёўскай архідыяцэзіі Юрый Касабуцкі духоўна далучыцца да малітвы ў цэлебрацыі святой Імшы з сакрамэнтам канфірмацыі, якую ўзначаліць у касцёле святога Арханёла Міхала ў Івянцы.
Іерархі шчыра запрашаюць вернікаў да ўдзелу ў супольнай малітве за далейшае развіццё Касцёла ў Беларусі.
Прамая трансляцыя 18 кастрычніка ў 13.00
