З 23 па 25 красавіка пры парафіі Святога Міхала Арханёла ў Навагрудку пройдуць рэкалекцыі на тэму «Адчуць Божую міласэрнасць», якія правядзе ксёндз Віктар Ханько, пробашч парафіі Маці Божай Тройчы Цудоўнай у Мастах (Гродзенская дыяцэзія).
«Разумець і верыць у моц Божага прабачэння і Яго міласэрнасць — надзвычай складаная і абстрактная рэч.
Няпроста адкрыцца Божай міласэрнасці, няпроста яе прыняць. Яе немагчыма заслужыць, бо гэта безумоўны дар Стварыцеля.
Бог толькі чакае, каб чалавек прыняў яе ў пакоры і пакаянні», — адзначаюць арганізатары рэкалекцый і запрашаюць да ўдзелу ў іх усіх ахвотных.
Пачатак у пятніцу 23 красавіка а 19-й гадзіне.
Ксёндз Віктар Ханько скончыў Міждыяцэзіяльную вышэйшую духоўную семiнарыю ў Гродне і ў 2007 годзе прыняў сакрамэнт святарства. Скончыў Люблінскі каталіцкі ўніверсітэт імя Яна Паўла ІІ, абараніўшы магістарскую працу па фундаментальнай тэалогіі. Святарскае служэнне нёс у Ваўкавыску і Гродне, з 2011 года служыць у Мастах.
Дадатковая інфармацыя і запіс па тэлефоне:
+375 (44) 771 99 83
Адрас касцёла:
вуліца Савецкая, 2
г. Навагрудак
