![](/3/images/news/2021/03/12988/2021-03-08-4md8kdku.jpg)
12–13 сакавіка ужо ў чацвёрты раз святары, кансэкраваныя асобы і вернікі Магілёўшчыны далучацца да ініцыятывы Папа Францішка «24 гадзіны для Пана».
Гэтая малітоўная акцыя, спалучаная з адарацыяй Найсвяцейшага Сакрамэнту, сёлета пройдзе пад дэвізам
«Ён адпускае ўсе беззаконні твае»
(Пс 103 (102), 3).
Нягледзячы на складаную эпідэміялагічную сітуацыю, Папа Францішак вырашыў, што і ў гэтым годзе малітва адбудзецца перад IV нядзеляй Вялікага посту.
«24 гадзіны для Пана» у касцёлах Магілёўшчыны:
- Катэдра Унебаўзяцця Найсвяцейшай Панны Марыі і святога Станіслава ў Магілёве
Распачнецца ў пятніцу 12 сакавіка а 9-й гадзіне; завершыцца святой Імшой 13 сакавіка а 9-й гадзіне. Цэлебрацыю ўзначаліць біскупскі вікарый для горада Магілёва і Магілёўскай вобласці біскуп Аляксандр Яшэўскі SDB.
- Парафія святога Казіміра і святой Ядвігі ў Магілёве
Адарацыя Найсвяцейшага Сакрамэнту адбудзецца ў пятніцу 12 сакавіка пасля ранішняй святой Імшы да 11-й гадзіны і пасля Імшы ўвечары да 20-й гадзіны (час Імшаў не пададзены).
- Парафія Маці Божай Бялыніцкай у Бялынічах
Распачнецца 12 сакавіка а 20-й гадзіне і завершыцца 13 сакавіка а 9-й гадзіне.
- Парафія Беззаганнага Зачацця Найсвяцейшай Панны Марыі у Крычаве
Распачнецца 12 сакавіка а 10-й гадзіне, завершыцца святой Імшой 13 сакавіка а 10-й гадзіне.
Узяць удзел у малітве «24 гадзіны для Пана» запрашаюцца рухі і супольнасці, а таксама парафіі ўсяго Магілёўскага рэгіёну, каб адараваць Езуса на працягу дня і ночы.