У Нарачы памоляцца за біскупа Юрыя Касабуцкага ў гадавіну біскупскага пасвячэння

19.01.2021 14:18 Паводле: Ірына Шнітоўская / Naracz.by / Catholic.by

Фота Ірыны Школінай / Naracz.by

У нядзелю 24 студзеня ў касцёле святога Андрэя, апостала, у Нарачы адбудзецца святая Імша ў інтэнцыі біскупа Юрыя Касабуцкага ў сёмую гадавіну яго біскупскага пасвячэння.

Пачатак у 10.30.

Як адзначаецца на парафіяльным сайце Naracz.by, цэлебрацыя святых Імшаў за біскупа Юрыя ў гадавіну біскупскага пасвячэння ў нарачанскай парафіі стала добрай традыцыяй.

Ініцыятарам малітвы за іерарха выступіла мясцовая моладзь, якая сем гадоў таму як падарунак на біскупскае пасвячэнне ўтварыла «Маргарытку» за біскупа Юрыя Касабуцкага і да гэтага часу верна трывае ў малітве, выпрошваючы патрэбныя ласкі для плённага служэння Богу і людзям.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.