![](/3/images/news/2020/10/12393/2018-11-02-kalvaria.jpg)
2 лістапада, ва ўспамін Усіх памерлых вернікаў, на мінскіх Кальварыйскіх могілках пройдзе агульнагарадская працэсія, якую правядзе Генеральны вікарый Мінска-Магілёўскай архідыяцэзіі біскуп Юрый Касабуцкі.
Пасля працэсіі ў касцёле Узвышэння святога Крыжа іерарх узначаліць цэлебрацыю святой Імшы ў інтэнцыі памерлых.
Пачатак працэсіі ў 18.00.
Біскуп Юрый Касабуцкі запрашае вернікаў па меры магчымасці браць удзел у малітвах за памерлых на працягу актавы і нагадвае пра неабходнасць захавання пры гэтым санітарна-эпідэміялагічных норм у сувязі з павелічэннем колькасці захворванняў каранавіруснай інфекцыяй.