4 верасня фігура святога Міхала Арханёла, галоўнага нябеснага апекуна Каталіцкага Касцёла на Беларусі, прыбудзе ў Гродна. Яе перэгрынацыя ў катэдральнай базыліцы святога Францішка Ксавэрыя працягнецца да 10 верасня.
Верасень па ініцыятыве старшыні каталіцкага епіскапату Беларусі арцыбіскупа Тадэвуша Кандрусевіча быў абвешчаны месяцам малітваў у інтэнцыі Беларусі, спынення эскалацыі канфлікту і хутчэйшага вырашэння грамадска-палітычнага крызісу. Іерарх заахвоціў да асаблівай малітвы праз заступніцтва святога Арханёла Міхала ў гэтых інтэнцыях.
У гэты час пройдзе перэгрынацыя фігуры святога Арханёла Міхала па катэдральных касцёлах усіх дыяцэзій на Беларусі.
Прывітанне фігуры адбудзецца ў катэдральным касцёле св. Францішка Ксавэрыя ў Гродне 4 верасня ў 17.00.
Потым у 17.30 i 19.00 адбудуцца святыя Імшы, пасля кожнай з якіх будуць узносіцца малітвы праз заступніцтва св. Міхала, пераможцы злога духа.
Наведаць святыню і памаліцца перад фігурай можна будзе кожны дзень.
Расклад Імшы ў гродзенскай катэдры:
- у будні: 7.00, 8.00, 9.00, 12.00, 17.30, 19.00;
- у нядзелю: 7.00, 9.00, 10.30, 12.00, 15.00, 19.00, 21.00.
