![](/3/images/news/2020/02/11161/2020-03-05-Highlight.jpg)
З ліпеня па верасень 2019 года ў Беларусі праводзіўся збор подпісаў пад калектыўным зваротам грамадзянаў да прэзідэнта з просьбай ініцыяваць прыняцце закона аб забароне прапаганды і публічнай дэманстрацыі гомасексуалізму і іншых палавых ненармальнасцяў непаўнагадовым.
Акрамя прапановы прыняцця адпаведнага закона і паправак у крымінальны кодэкс, у звароце таксама ішла гаворка пра неабходнасць стварэння надведамаснай нацыянальнай праграмы па захаванні традыцыйных каштоўнасцяў, што з’яўляецца задаткам для існавання беларусаў як самабытнай і суверэннай нацыі. Ініцыятыву падтрымала Экспертная рада па пытаннях жыцця i сям’i пры Мінска-Магілёўскай архідыяцэзіі, некаторыя праваслаўныя вернікі і прадстаўнікі іншых канфесій.
Прэс-канферэнцыя з удзелам прадстаўнікоў Экспертнай рады адбудзецца 9 сакавіка ў 11.00 у канферэнц-зале гатэля «Славянская» ў Мінску (вул. Нарачанская, 10-А).
Рэгістрацыя для прадстаўнікоў СМІ адкрыта да 6 сакавіка ўключна:
- тэл.: +375 (29) 260 69 09 (Viber)
- e-mail: expertradammd@yandex.by