Пошук

16.01.2020 16:12   Паводле: Catholicnews.by
Фота: Фіналісты І Дыяцэзіяльнага конкурса на веданне Святога Пісання. Віцебск, 2019 год. Catholicnews.by

У Віцебскай дыяцэзіі адбудзецца Другі дыяцэзіяльны конкурс на веданне Святога Пісання.

Як паведамляе Сatholicnews.by, у мінулым годзе такі конкурс адбыўся ўпершыню, і ў ім узялі ўдзел 220 самых смелых дзяцей з 26-і парафій Віцебскай дыяцэзіі. Супольная падрыхтоўка да конкурсу аб’яднала 20 катэхетаў, у арганізацыю мясцовых этапаў актыўна ўключаліся святары і сёстры законныя. Арганізатары спадзяюцца, што сёлета конкурс будзе яшчэ больш цікавым і карысным.

Дзеці з парафій Віцебскай дыяцэзіі могуць удзельнічаць у конкурсе ў дзвюх узроставых катэгорыях: 1-я катэгорыя — ад 9 да 11 гадоў уключна (могуць быць маладзейшыя); 2-я катэгорыя — ад 12 да 14 гадоў уключна.

На дыяцэзіяльнай сустрэчы катэхетаў у Глыбокім разам з біскупам Віцебскім Алегам Буткевічам было вырашана, што першы парафіяльны этап конкурсу адбудзецца 7 сакавіка.

Дэканальны этап запланаваны на 21 сакавіка, а фінал — на 25 красавіка.

Асновай конкурсных матэрыялаў з’яўляецца змест кнігі Зыходу Старога Запавету (любое кананічнае выданне).

Дзеці, якія жадаюць прыняць удзел у конкурсе, павінны ў бліжэйшы час звярнуцца да сваіх катэхетаў або пробашчаў.

Для ўдзелу ў конкурсе парафіі неабходна даслаць арганізатарам па электроннай пошце запоўнены фармуляр для запісу з дадзенымі ўдзельнікаў да 16 лютага ўключна.

Арганізатарам конкурсу з’яўляецца дабрачыннае каталіцкае таварыства Caritas Віцебскай дыяцэзіі, дыяцэзіяльны каардынатар — с. Дар’я Галубкова OV.

Усе пытанні можна дасылаць на паштовую скрыню vitebsk.caritas@gmail.com

Абноўлена 14.04.2020 10:09
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.