Пошук


09.01.2020 13:04   Тэкст: Павел Слізевіч / Фота: Данік Ліцкевіч / Catholic.by

8 лютага ў Баранавічах ужо ў дзявяты раз пройдзе хрысціянскі музычны фэст «Дастукацца да нябёсаў», які збірае сотні ўдзельнікаў з розных куткоў Беларусі.

Ужо каторы год, нягледзячы на холад i сцюжу, сотні людзей рознага ўзросту збіраюцца пад адным дахам, каб праславіць Бога. Арганізатары фестывалю запрашаюць усіх, хто адчувае сябе маладым i хоча славіць Бога сваім спевам i танцам, з’яднаўшыся ў адзіным духу праслаўлення.

Гэта добрая магчымасць правесці час з Богам, падзяліцца з сябрамі i знаёмымі нашай верай — жывой i сапраўднай.

Фэст «Дастукацца да нябёсаў» (#DDN20) пройдзе 8 лютага ў 18.00 па адрасе: г.Баранавічы, вул. Кірава, 62, Дом культуры тэкстыльшчыкаў.

Каб сачыць за навінамі пра ДДН-20 ці больш падрабязна даведацца пра фестываль, далучайцеся да старонкі у Instagram @ddn.fest. Калі ў вас ёсць яркія ўспаміны альбо жаданне падзяліцца тым, як вы моцна чакаеце #DDN20, выкладайце на вашай старонцы ў Instagram гісторыю ці пост пра гэта, пазначайце хэштэгам #ждуддн i адзначайце старонку @ddn.fest.

Паважаныя сябры, звяртаем вашую ўвагу на тое, што распаўсюджванне ўсялякай інфармацыі і выкарыстанне фота-, відэаматэрыялаў без спасылкі на аўтара забаронена. СМІ неабходна атрымаць акрэдытацыю ад арганізатараў.

Плануецца прамая відэатрансляцыя ДДН-20.

Калі вы жадаеце матэрыяльна падтрымаць ініцыятыву і сваім ахвяраваннем далучыцца да арганізацыі фэсту, звяжыцеся, калі ласка, з арганізатарамі.

Па пытаннях акрэдытацыі і іншых арганізацыйных пытаннях звяртацца да дырэктара фэсту кс. Паўла Рудзьмана па тэлефоне:
+375 (29) 709 00 93

Абноўлена 12.01.2020 20:41
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.