21 снежня ў парафіі Унебаўзяцця Найсвяцейшай Панны Марыі і св. Станіслава ў Магілёве адбудзецца сустрэча моладзі магілёўскага рэгіёну на тэму «Сэнс і прыгажосць каталіцкай сям’і».
Агульная тэма сустрэчы — сям’я, таму яна будзе цікавая і тым, хто мае ўласны досвед, і тым, хто рыхтуецца стварыць сям’ю, і тым, хто яшчэ пра гэта не задумваецца. У праграме чакаюцца канферэнцыя, сустрэчы, цікавыя гульні. Між іншым, спікер дабрачыннага фонду «Адкрытыя сэрцы» Вольга Чаркасава распавядзе, чаму ў сучасным свеце важна зберагчы чысціню. Таксама моладзь чакае гульня-дэбаты і малітва ў духу Тэзэ.
На завяршэнне адбудзецца аплаткавая сустрэча з Біскупскім вікарыем для г. Магілёва і Магілёўскай вобласці біскупам Аляксандрам Яшэўскім SDB.
Абавязковы папярэдні запіс да 15 снежня.
Па арганізацыйных пытаннях і для папярэдняга запісу звяртацца да кс. Віталія Маргунова па тэлефоне: +375 29 528 42 04
