Пошук
10.07.2018 16:11   Паводле: bce.chiesacattolica.it / Catholic.by
Зачынены касцёл у Іспаніі, ператвораны ў залу для скейтэраў © EPA/EFE/J.-L. Cereijido

10 ліпеня ў Ватыкане прадставілі праграму міжнароднай канферэнцыі, на якой абмяркуюць лёс зачыненых святыняў — праблему, якая асабліва востра стаіць у Заходняй Еўропе.

З гэтай мэтай Папская рада па культуры сумесна з італьянскай біскупскай канферэнцыяй і Папскім Грыгарыянскім універсітэтам арганізуе двухдзённую міжнародную канферэнцыю, удзельнікі якой збяруцца ў Рыме 29–30 лістапада, каб разгледзець феномен усё большай колькасці месцаў культу, якія больш не выкарыстоўваюцца.

З задачамі канферэнцыі пад назвай: «Бог тут больш не жыве? Праца з месцамі культу і комплекснае кіраванне спадчынай Касцёла» прэсу пазнаёмілі старшыня Папскай рады па культуры кардынал Джанфранко Равазі і новы прэфект Адміністрацыі маёмасці Апостальскай Сталіцы біскуп Нунцыё Галанціна.

© bce.chiesacattolica.it

Удзельнікі форуму засяродзяцца на пошуку рашэнняў сур’ёзнай і актуальнай, асабліва для Заходняй Еўропы, праблемы закрыцця касцёлаў і іх новага прызначэння.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.