Экс-другая ракетка свету Агнешка Радванска з Польшчы ў кнізе-інтэрв’ю «Jestem Isia. Rozmowa z Agnieszką Radwańską» расказала пра ахвярны ўчынак яе дзядулі, які вымушаны быў прадаваць сямейныя абразы, каб яго ўнучкі Агнешка і Урсула маглі і далей займацца тэнісам.
«У дзядулі было тры абразы, сапраўды каштоўных. У пэўны момант, калі бацькам не хапала грошай не толькі на нашы выезды на турніры, але і на арэнду кортаў у Кракаве, дзядуля прадаў два з іх.
Ці вярнуліся тыя абразы ў сям’ю? Не. Я ніколі не думала пра тое, каб знайсці іх і выкупіць. Але я па-іншаму аддзячыла дзядулю, калі ён яшчэ жыў. Ды і не адразу мне атрымалася б стаць на ногі, каб іх выкупіць.
Не ведаю, ці ўвогуле гэта магчыма, бо, па-першае, іх сённяшні ўладальнік павінен хацець іх прадаць, а, па-другое, няпроста было б высветліць, каму яны належаць сёння».
