![](/3/images/news/2024/02/2024-02-23-Vatican.jpg)
Папа Францішак прызначыў у Раду Секцыі па сувязях з дзяржавамі Дзяржаўнага сакратарыята кардыналаў Тагле, Чэрнага і Гуджэроцці, а таксама дырэктара службы сацыяльных камунікацый і місіянерскай службы Рымскага вікарыяту айца Альбанэзэ.
Як са спасылкай на Прэс-службу Святога Пасаду паведаміла 22 лютага Беларуская рэдакцыя парталу Vatican News, Святы Айцец прызначыў чатырох новых членаў Рады Секцыі па сувязях з дзяржавамі і міжнароднымі арганізацыямі Дзяржаўнага сакратарыяту, так званай другой секцыі, якую ўзначальвае арцыбіскуп Пол Рычард Галахер.
Новымі членамі Рады сталі про-прэфект Дыкастэрыі па евангелізацыі кардынал Луіс Антоніё Тагле, прэфект Дыкастэрыі па служэнні інтэгральнаму развіццю чалавека кардынал Майкл Чэрны, а таксама прэфект Дыкастэрыі па справах Усходніх Касцёлаў кардынал Клаўдыё Гуджэроцці.
Папа таксама прызначыў членам Рады айца Джуліё Альбанезэ, дырэктара службы сацыяльных камунікацый і місіянерскай службы Рымскага вікарыяту.