Курыя Віцебскай дыяцэзіі са смуткам паведамляе, што 28 мая ва ўзросце 63 гадоў пасля працяглай хваробы адышоў у вечнасць кс. прэлат Міраслаў Скачыляс, святар Влацлаўскай дыяцэзіі (Польшча), які доўгі час працаваў у Віцебскай дыяцэзіі на розных адказных пасадах.
Пахавальныя набажэнствы пройдуць у пятніцу 31 мая ў парафіяльным касцёле ў Русаціцах у Польшчы. Пахавальная св. Імша распачнецца ў 12.00.
Кс. Міраслаў Скачыляс нёс служэнне ў Віцебскай дыяцэзіі з 2000 да 2010 года. За гэты час ён з’яўляўся дэканам віцебскага Паўднёвага дэканату, пробашчам парафіі Езуса Міласэрнага ў Віцебску, быў Генеральным вікарыем Віцебскай дыяцэзіі, уваходзіў у склад калегіі кансультантаў і святарскай рады Віцебскай дыяцэзіі, у склад катэдральнага капітула Віцебскай дыяцэзіі.
Шмат намаганняў прыклаў да адбудовы касцёла ва Ушачах і будаўніцтва катэдры Езуса Міласэрнага ў Віцебску.
Вечны адпачынак дай яму, Пане…
