4 сакавіка адбылася адпустовая ўрачыстасць у маладой парафіі св. Казіміра ў Брэсце.
Парафія існуе з 21 чэрвеня 2018 года і налічвае каля 200 сем’яў. Вернікі гэтай парафіі пакуль не маюць сваёй святыні, але няспынна моляцца праз заступніцтва св. Казіміра, каб як найхутчэй змаглі пабудаваць касцёл у мікрараёне Вулька. Разам са сваім пробашчам кс. Антонам Анціпенкам яны збіраюцца на святую Імшу ў гатэлі «Хілтан» і ў гэтым жа месцы мелі магчымасць святкаваць першы ў гісторыі маладой парафіі фэст у гонар яе апекуна св. Казіміра.
Урачыстую Імшу ўзначаліў біскуп Пінскі Антоні Дзям’янка, у ёй удзельнічалі святары з Брэсцкага дэканату, сёстры законныя і шматлікія вернікі.
У гаміліі біскуп распавёў пра асобу святога Казіміра, звяртаючы ўвагу на два галоўныя аспекты яго жыцця — Эўхарыстыю і культ Маці Божай. Іерарх падкрэсліў важнасць таго, каб наследаваць св. Казіміра, а таксама Найсвяцейшую Панну ў шматлікіх цнотах, а найперш прасіць аб дапамозе вытрываць у чысціні.
![](/3/images/previews/news/2019/03/9505/s-2019-03-05-brest-004-cb.jpg)
![](/3/images/previews/news/2019/03/9505/s-2019-03-05-brest-001-cb.jpg)
![](/3/images/previews/news/2019/03/9505/s-2019-03-05-brest-003-cb.jpg)
![](/3/images/previews/news/2019/03/9505/s-2019-03-05-brest-006-cb.jpg)
![](/3/images/previews/news/2019/03/9505/s-2019-03-05-brest-008-cb.jpg)
![](/3/images/previews/news/2019/03/9505/s-2019-03-05-brest-007-cb.jpg)
![](/3/images/previews/news/2019/03/9505/s-2019-03-05-brest-002-cb.jpg)
![](/3/images/news/2019/03/9505/2019-03-05-brest-004.jpg)
![](/3/images/news/2019/03/9505/2019-03-05-brest-001.jpg)
![](/3/images/news/2019/03/9505/2019-03-05-brest-003.jpg)
![](/3/images/news/2019/03/9505/2019-03-05-brest-006.jpg)
![](/3/images/news/2019/03/9505/2019-03-05-brest-008.jpg)
![](/3/images/news/2019/03/9505/2019-03-05-brest-007.jpg)
![](/3/images/news/2019/03/9505/2019-03-05-brest-002.jpg)
Звяртаючыся да моладзі, біскуп падкрэсліў вялікую каштоўнасць жыцця ў чысціні і заклікаў маліцца, каб іншы чалавек, з якім прагнуць злучыць сваё жыццё і ўтварыць сям’ю, не быў распусны, але гатовы да дару з самога сябе і прыняцця дару іншага, каб маладыя людзі звярталі ўвагу на цноту чысціні да шлюбу.
Усім сабраным парафіянам і пробашчу кс. Антонію Анціпенку біскуп падзякаваў за клопат у арганізацыі маладой парафіі, а таксама благаславіў жаданне вернікаў пабудаваць касцёл св. Казіміра ў мікрараёне Вулька на 1000-годдзе г. Брэста.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)