12 лістапада, ва ўрачыстасць святога біскупа і мучаніка Язафата Кунцэвіча, у Расонах адбылася сустрэча духавенства і кансэкраваных асобаў Віцебскай дыяцэзіі.
Памяць касцёльнага і грамадскага дзеяча Вялікага княства Літоўскага Язафата Кунцэвіча, галоўнага апекуна гэтай дыяцэзіі, ушанавалі сваёй прысутнасцю на сустрэчы прадстаўнікі Грэка-Каталіцкай Царквы.
Будучы святы быў Полацкім арцыбіскупам, умацоўваў грэка-каталіцтва ў гэтым краі і быў прыхільнікам еднасці Заходняй і Усходняй Цэркваў.
З гэтай нагоды гамілію да прысутных святароў, манашак і мясцовых парафіянаў прамовіў а. Зміцер Грышан, святар грэка-каталіцкай парафіі ў Віцебску, які прыгадаў гісторыю жыцця і душпастырскую дзейнасць св. Язафата.
