5 снежня навучэнцы Вышэйшай духоўнай семінарыі ў Гродне разам са святым Мікалаем наведалі садок для дзяцей з абмежаванымі магчымасцямі.
Насычаная яркімі эмоцыямі і ўражаннямі атмасфера спрыяла таму, каб дзеці адчулі бязмежную любоў Бога і пранікнуліся радасцю надыходзячага свята Божага Нараджэння. Час, праведзены сумесна, дазволіў таксама і семінарыстам адчуць невымоўную асалоду ад магчымасці дзяліцца досведам асабістага спаткання з Богам у штодзённым жыцці.
Будзем спадзявацца, што настрой і эмацыянальны ўздым, якія панавалі падчас сустрэчы, застануцца надоўга ў памяці дзяцей, якім неабходны спачуванне, увага і клопат.
