![](/3/images/news/2017/08/6060/2017-06-20-stud.jpg)
У Катэхетычным каледжы імя З. Лазінскага ў Баранавічах працягваецца ўступная кампанія. Першы тур іспытаў прайшоў 26 жніўня, 2 верасня — заключны, другі тур.
Навучанне ў каледжы адбываецца па чатырох накірунках:
- катэхетыка (для жадаючых працаваць катэхетам)
- агульная тэалогія (без права выкладання катэхізіса)
- сямейнае кансультаванне
- кансультаванне ў галіне залежнасцей
Спецыяльнасць «Катэхетыка» прадугледжана для асобаў, якія хацелі б пасля заканчэння ўстановы працаваць у парафіях у якасці катэхета (выкладчыка катэхізіса). Студэнты гэтай групы, акрамя вывучэння тэалогіі, маюць магчымасць паглыбленага навучання ў галіне тэарэтычных асноваў і практычных метадаў катэхізацыі, якія існуюць у Каталіцкім Касцёле.
Спецыяльнасць «Агульная тэалогія» прадугледжана для асобаў, якія не маюць намеру працаваць катэхетамі. Гэтая спецыялізацыя разлічаная на людзей, якія жадаюць паглыбіць сваю веру і веды, вывучаючы каталіцкую тэалогію. Акрамя гэтага студэнты маюць магчымасць удасканаліць свае веды ў галіне рэлігійнага аспекта гуманітарных навук.
Спецыяльнасць «Сямейнае кансультаванне» прадугледжана для асобаў, якія хацелі б на прафесійным узроўні дапамагаць душпастырам у вырашэнні разнастайных духоўных і маральных пытанняў, звязаных з сужэнскім і сямейным жыццём вернікаў.
Спецыяльнасць «Кансультаванне ў галіне залежнасцей» прадугледжана для асобаў, якія жадаюць на прафесійным узроўні дапамагаць душпастырам у вырашэнні разнастайных духоўных і маральных праблем, звязаных з разнастайнымі залежнасцямі і сузалежнасцю вернікаў.
Каб стаць студэнтам каледжа, трэба прадставіць пакет дакументаў, у ліку які:
- Заява на імя дырэктара (напісаная ўласнаручна)
- Біяграфія (напісаная ўласнаручна)
- Рэкамендацыйны ліст ад пробашча парафіі
- Копіі пасведчанняў аб сакрамэнтах хросту і канфірмацыі
- 2 фотаздымкі 3×4;
- Копія атэстата аб агульная сярэдняй адукацыі або іншыя дакументы аб адукацыі
- Копія пашпарта
- Медыцынская даведка па форме 086
Экзамен па ведам з катэхізіса і вусная кваліфікацыйная размова пройдуць у два туры: 26 жніўня (першы тур) і 2 верасня (2 тур). Дакументы можна падаць раней альбо непасрэдна ў дзень здачы экзаменаў.
Увага! Перад падачай дакументаў пажадана звязацца з сакратарыятам каледжа па тэлефоне: +375 (163) 57-93-14; +375 (29) 513-57-92 або праз электронную пошту callegge@gmail.com, — узгадніўшы час падачы дакументаў.