Пошук


02.02.2017 09:33  

28 студзеня ў касцёле Узвышэння Святога Крыжа ў Баранавічах адбылася сустрэча малітоўных групп «Маці ў малітве». У ёй прынялі ўдзел групы з баранавіцкіх парафій, а таксама з Брэста, Ляхавічаў і Гарадзеі.

Рух «Маці ў малітве» ўзнік у 1995 г. у Вялікабрытаніі, а з 2000 г. прадстаўлены і ў Беларусі. Ён ажыцяўляе сваю дзейнасць пад дэвізам «Паяднаныя ў малітве, мы ратуем нашых дзяцей». У Баранавічах мамы сабраліся разам, каб памаліцца за сваіх сыноў і дачок, паразмаўляць аб штодзённых радасцях і клопатах, а перадусім, каб аднавіць свае духоўныя сілы праз удзел у Эўхарыстыі і супольнай малітве.


Падчас святой Імшы ксёндз Юрый Дрозд у гаміліі звярнуў увагу на біблійныя аспекты мацярынства і заахвоціў усіх маці памятаць пра свой вялікі аўтарытэт. Таксама пад кіраўніцтвам кс. Юрыя ўдзельніцы руху разважалі над Божым Словам і маліліся перад выстаўленым Найсвяцейшым Сакрамэнтам. Напрыканцы адарацыі Найсвяцейшага Сакрамэнту кожная маці падыйшла да алтара, каб даверыць Богу сваіх дзяцей. Сустрэча завяршылася супольным пасілкам у парафіяльным доме.

Кс. Юрый Дрозд, фота Ядзвігі Лепскай


Абноўлена 05.06.2017 13:39
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа