Пошук


07.10.2016 16:10  

У Год Божай Міласэрнасці і месяц Ружанца супрацоўнікі «Карытас» Пінскай дыяцэзіі правялі акцыю «Старасць у радасць» для пажылых адзінокіх людзей, якія жывуць на тэрыторыі Брэсцкага, Камянецкага і Жабінкаўскага раёнаў.

Пра падтрымцы прадпрыемстваў «Інка-фуд», «Санта-Брэмар» і іншых спонсараў пажылыя людзі атрымалі ў падарунак прадуктовыя наборы першай неабходнасці.

Важнай часткай візіту была і гутарка, у якой так маюць патрэбу людзі пажылога ўзросту. Кожны з іх падзяліўся гісторыяй свайго жыцця, дзякуючы пры гэтым Богу за кожную хвіліну пройдзенага шляху. І слёзы, і радасць, і сум напаўнялі сэрцы гэтых людзей.

Павучальным атрымалася жыццёвае сведчанне сям’і Цярпілаўскіх, якія пражылі разам 73 гады. У 1943 годзе яны ўзялі касцёльны шлюб у парафіі Святой Тройцы ў Чарнаўчыцах.

На пытанне, як ім удалося захаваць каханне і добрыя стасункі на працягу такога доўгага перыяду, яны з усмешкай на твары далі кароткі, але напоўнены верай і любоўю адказ: «Малітва на ружанцы».

Нягледзячы на самотнасць, пажылыя людзі, якіх наведалі супрацоўнікі і валанцёры «Карытас» Пінскай дыяцэзіі, не губляюць веры і спадзяюцца на Езуса і Марыю, штодзённа прамаўляючы ружанцовую малітву, а праваслаўныя вернікі ўшаноўваюць Багародзіцу, іконы якой ёсць у іх дамах.

Падчас сваёй дабрачыннай «экспедыцыі» «Карытас» Пінскай дыяцэзіі імкнуўся ўнесці ў кожны дом пажылога самотнага чалавека дабрыню, радасць і любоў, якая на лаціне і гучыць як «Сaritas».

Юлія Марчук, фота аўтара

Абноўлена 05.06.2017 13:39
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.