Пошук


25.09.2016 21:22  

24 верасня ў Катэхетычным каледжы імя Зыгмунта Лазінскага ў Баранавічах адбыўся выпускны вечар для тых, хто скончыў вучобу. У ім прынялі ўдзел таксама тыя, хто яшчэ толькі стаў студэнтам каледжа.

Святочны вечар пачаўся святой Імшой, якую цэлебраваў дырэктар каледжа кс. Павел Рудзьман. У гаміліі святар адзначыў, што веды, якія набылі сёлетнія выпускнікі за час вучобы, застануцца мёртвымі, калі не будуць  прасякнуты верай і жаданнем несці іх ва ўсе асяроддзі свайго жыцця.


Пасля Імшы адбылося ўрачыстае ўручэнне дыпломаў выпускнікам, а таксама студэнцкіх білетаў і заліковак на час будучага навучання ў каледжы першакурснікам. Дырэктар і выкладчыкі прынялі памятныя падарункі, якія былі ўручаны з асаблівым гумарыстычным падыходам да кожнага выкладчыка. Выпускнікі таксама атрымалі памятныя падарункі ад цяперашніх студэнтаў каледжа — чаравікі, што з'яўляецца сімвалічным вобразам прапаведвання Божага слова.


Пасля афіцыйнай часткі студэнты і выкладчыкі сабраліся за святочнай вячэрай, якая яшчэ больш злучыла навучэнцаў цёплай сямейнай атмасферай.

На заканчэнне вечара студэнты іншых курсаў на памяць для выпускнікоў каледжа прадставілі сцэнку аб момантах вучобы ў гэтай установе.


Аляксандра Крываносава, студэнтка 2 курса
Фота Корнэля Кансэка SVD
(AG)

Фотарэпартаж >>>

Абноўлена 05.06.2017 13:39
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця