Пошук


22.07.2016 11:41  

На працягу чатырох дзён, з 18 па 21 ліпеня, юнакі з Пінскай і Віцебскай дыяцэзіі і Мінска-Магілёўскай архідыяцэзій прымалі ўдзел у рэкалекцыях па распазнанні паклікання, якія праходзілі ў Міждыяцэзіяльнай вышэйшай духоўнай семінарыі ў Пінску.

Апошні дзень рэкалекцый праходзіў пад знакам удзячнасці за перажытыя духоўныя практыкаванні.

Малітвы, разважанне над Божым словам, парады духоўных айцоў і летняя прырода вакол старадаўніх муроў духоўнай семінарыі дапамагалі юнакам знайсці адказы на схаваныя ў сэрцах пытанні.

Пра гэта адкрыта і з запалам сведчылі на заканчэнне ўдзельнікі рэкалекцый.

Кульмінацыйным момантам, завяршаючым духоўныя практыкаванні, стала ўрачыстая святая Імша ў пінскім катэдральным касцёле, дзе ўдзельнікі рэкалекцый разам са шматлікімі святарамі і вернікамі Пінскай дыяцэзіі дзякавалі Богу за дар вялікага пастыра беларускай зямлі кардынала Казіміра Свёнтка, молячыся за яго з нагоды пятай гадавіны адыходу ў вечнасць.

На завяршэнне ўдзельнікі рэкалекцый атрымалі пастырскае благаслаўленне біскупа Пінскага Антонія Дзям’янкі, а таксама запрашэнне рэктара семінарыі да частага наведвання гэтай духоўнай установы, куды можна прыехаць не толькі летам, але і ў любы час, каб у малітоўным суцішэнні паслухаць Бога.

(AG)

Фота Уладзіслава Козела

Абноўлена 05.06.2017 13:39
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця