Пошук

09.06.2016 00:00  

8 чэрвеня ў Міждыяцэзіяльнай вышэйшай духоўнай семінарыі ў Пінску новапрэзбітэр Аляксандр Стока OCD цэлебраваў прыміцыйную святую Імшу.

Прэзбітэрскае пасвячэнне а. Аляксандра Стокі адбылося 4 чэрвеня ў Мінску.

Семінарыя ў Пінску была тым домам, дзе айцец Аляксандр Стока вучыўся, узрастаў у веры і праходзіў фармацыю. У гэты дзень ён вярнуўся сюды як святар, каб падзякаваць Богу за дар паклікання, памаліцца за тых, хто тут вучыцца і служыць, і ўдзяліць ім сваё прыміцыйнае благаслаўленне.

У гаміліі а. Аляксандр Стока звярнуў увагу на дабрыню Бога, які праз свой Закон дапамагае чалавеку не заблукаць на жыццёвым шляху.

«Бачныя былі хваляванне і засяроджанасць маладога святара. Бачнае было ўсведамленне таго, што на ягоныя словы звычайныя хлеб і віно перамяняюцца ў Цела і Кроў Збаўцы. Гэта найвялікшы Дар, які Хрыстус пакінуў нам, – Самога Сябе ў эўхарыстычных постацях, — адзначаецца на сайце семінарыі ў Пінску. — І дар святарства непарыўна з ім звязаны. Няхай жа добры Бог благаслаўляе жыццё і служэнне айца Аляксандра і няхай кліча на жніво сваё святых і адданых святароў».

Паводле seminaryja.by

Фота seminaryja.by

Абноўлена 05.06.2017 13:39
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця