«Я — уваскрасенне і жыццё.
Хто верыць у Мяне,
калі нават і памрэ,
будзе жыць.
А кожны, хто верыць у Мяне,
не памрэ ніколі»
(Ян 11, 25-26)
Дарагія браты і сёстры і ўсе людзі добрай волі!
Уваскрасенне Езуса Хрыста — гэта перамога жыцця над смерцю, дабра над злом, надзеі над роспаччу. Божая любоў выпраменьваецца з пустой грабніцы і асвятляе цемру нашага жыцця. Надае яму сэнс, кірунак і мэту, ажыўляе надзею.
Жадаю Вам, каб перыяд Вялікадня стаў часам глыбокага досведу бязмежнай Божай любові да свайго стварэння і часам умацавання сувязей з Хрыстом. Няхай уваскрослы Хрыстус прыйдзе з патрэбнымі дарамі ў Вашыя сям’і і ва ўсю нашу ўмілаваную Бацькаўшчыну!
Натхнёныя Духам Святым, як і Езус, будзем верыць і любіць па-сапраўднаму, нават тады, калі па-чалавечы здаецца, што нас перамаглі. Няхай добрая вестка аб уваскрасенні Езуса напаўняе Вашыя сэрцы надзеяй і супакоем!
Хрыстус уваскрос!
✠ Аляксандр Яшэўскі, S.D.B.
Біскуп Вікарый для г. Магілёва і Магілёўскай вобласці
