Беларуска-нямецкая перастаўная выстаўка, прысвечаная гісторыі лагера смерці «Трасцянец» адкрылася 8 лістапада ў Гамбургу. Адкрыццё выстаўкі было прымеркавана да 75-й гадавіне адпраўкі першага цягніка з нямецкімі яўрэямі ў Мінскае гета.
Удзел у адкрыцці выстаўкі, прысвечанай буйнейшаму на тэрыторыі Беларусі лагеру смерці ў часы Другой сусветнай вайны, прынялі намеснік міністра замежных спраў Беларусі Валянцін Рыбакоў, настаяцель прыхода храма Усіх Святых протаіерэй Фёдар Поўны, Мітрапаліт Мінска-Магілёўскі Тадэвуш Кандрусевіч, прадстаўнікі ўраду ФРГ, а таксама пасол МЗС Германіі Фелікс Клайн.
Арганізатары праекта — міжнародны адукацыйны цэнтр (Дортмунд), Мінскі міжнародны адукацыйны цэнтр імя Ё. Раў, Фонд «Помнік забітым яўрэям Еўропы» (Берлін).
Праца над стварэннем выстаўкі вялася з восені 2014 года. Распрацоўкай канцэпцыі выстаўкі займалася беларуска-нямецкая працоўная група з ліку беларускіх і нямецкіх гісторыкаў, архівістаў і даследчыкаў.
Плануецца, што пасля Гамбурга выстаўка накіруецца і ў іншыя гарады Германіі, адкуль ішла дэпартацыя яўрэяў у Беларусь. У сакавіку 2017 года выстаўка адкрыецца ў Мінску.
