18–20 мая ў Нясвіжы праходзіў музычны фестываль ХХІІ свята мастацтваў «Музы Нясвіжа». У межах фестывалю 20 мая ў фарным касцёле Божага Цела адбыўся канцэрт пад назвай «Сакральныя традыцыі Нясвіжскай зямлі».
Творы прагучалі ў выкананні струннага аркестра і вакальнага ансамбля Заслужанага калектыва «Нацыянальны акадэмічны канцэртны аркестр Беларусі» пад кіраўніцтвам Людмілы Каліноўскай і заслужанай артысткі Рэспублікі Беларусь Наталлі Міхайлавай.
Мастацкі кіраўнік — народны артыст Беларусі, лаўрэат Дзяржаўнай прэміі Рэспублікі Беларусь, лаўрэат прэміі Саюзнай дзяржавы, ганаровы грамадзянін Мінскай вобласці і г. Нясвіжа, прафесар Міхаіл Фінберг.
Падчас канцэрта прагучалі творы знакамітых кампазітараў Моцарта, Агінскага, Орды, Радзівілл.
Канцэрт у нясвіжскай святыні ў межах фестываля «Музы Нясвіжа» праходзіў не ўпершыню. У касцёле сабраліся слухачы як з Нясвіжа, так і госці з іншых куткоў Беларусі.
(VGr)
