Курыя Гродзенскай дыяцэзіі са смуткам паведамляе, што 17 чэрвеня на 89-м годзе жыцця адышла ў вечнасць Зоф’я Казлоўская, мама ксяндза каноніка Антонія Казлоўскага, дэкана Смаргонскага, пробашча парафіі святога Юды Тадэвуша ў Вішневе (Гродзенская дыяцэзія, Смаргонскі дэканат).
Пахаванне спачылай адбудзецца ў сераду 19 чэрвеня ў парафіі святых апосталаў Пятра і Паўла ў Старых Васілішках (Гродзенская дыяцэзія, Шчучынскі дэканат).
Пачатак пахавальнай святой Імшы а 12-й гадзіне.
Вечны адпачынак дай ёй, Пане…
