22 кастрычніка адпустовую ўрачыстасць адзначыла парафія святога Яна Паўла ІІ ў Гродне (мікрараён Пагараны).
Як паведамляе Прэс-служба Гродзенскай дыяцэзіі, у дзень парафіяльнага свята віцэ-канцлер дыяцэзіяльнай курыі ў Гродне ксёндз канонік Антоній Грэмза здзейсніў унясенне рэліквій у капліцу маладой парафіі.
У гаміліі на святой Імшы святар падкрэсліў, што ў асобе Яна Паўла ІІ, яго вучэнні і святасці Касцёл і вернікі атрымалі вялікі дар, якім павінны жыць, а таксама натхняцца ў прыняцці новых выклікаў, якія з’яўляюцца перад імі.
Ксёндз Антоній дадаў, што прывілея і абавязак сучасных людзей — умацоўваць спадчыну гэтага Пантыфіка, каб перадаць яе наступным пакаленням.
Пробашч парафіі ксёндз Генрык Яблонскі падзякаваў шматлікім прысутным за ўдзел ва ўрачыстасці і дар супольнай малітвы.
