Ва ўрачыстасць святога Юзафа арцыбіскуп Станеўскі адзначае імяніны. Трансляцыя ўрачыстай Імшы з Мінска

20.03.2023 15:15 Catholic.by

Фота Віктара Ведзеня

Сёлета ўрачыстасць святога Юзафа, якая адзначаецца ў Касцёле 19 сакавіка, супала з Чацвёртай нядзеляй Вялікага посту, і таму яе святкаванне перанесена на наступны дзень.

Такім чынам, менавіта ў панядзелак 20 сакавіка адзначаецца ўрачыстасць Святога Юзафа, Абранніка Найсвяцейшай Панны Марыі. У гэты дзень таксама святкуе свае імяніны Мітрапаліт Мінска-Магілёўскі арцыбіскуп Юзаф Станеўскі.

З гэтай нагоды іерарх узначаліць цэлебрацыю ўрачыстай святой Імшы ў мінскім катэдральным касцёле Найсвяцейшага Імя Марыі.

Прамая трансляцыя з архікатэдры будзе весціся на партале Catholic.by. Пачатак у 18.30.

Арцыпастыр шчыра запрашае ўсіх вернікаў да супольнай малітвы праз заступніцтва святога Юзафа, Апекуна паўсюднага Касцёла.

Абноўлена 20.03.2023 20:06

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.