7 кастрычніка ў офісе Упаўнаважанага па справах рэлігій і нацыянальнасцяў пры Савеце Міністраў Рэспублікі Беларусь у Мінску адбылася сустрэча Апостальскага нунцыя ў Беларусі арцыбіскупа Антэ Ёзіча і Мітрапаліта Мінска-Магілёўскага арцыбіскупа Юзафа Станеўскага з упаўнаважаным Аляксандрам Румакам.
Падчас сустрэчы былі абмеркаваныя бягучыя пытанні з жыцця Мінска-Магілёўскай архідыяцэзіі, у тым ліку адносна сітуацыі, якая склалася з касцёлам святога Сымона і святой Алены ў Мінску (Чырвоным касцёлам).
Акрамя таго, было ўзгадана пра перадачу кампетэнтнымі дзяржаўнымі ўладамі касцёла Унебаўзяцця Найсвяцейшай Панны Марыі і святога Станіслава ў Магілёве парафіяльнай супольнасці ў бязвыплатнае карыстанне тэрмінам на пяць гадоў. У цяперашні момант у гэтай старадаўняй святыні, якая мае выключную гістарычную каштоўнасць, намаганнямі парафіяльнай супольнасці вядуцца сур’ёзныя рамонтныя працы па захаванню і аднаўленню касцёла.
Бакі дамовіліся аб вядзенні канструктыўнага дыялогу ў далейшым.
